|
| 行山樂又一個月無寫日誌,記得一個月前仲經常提自己唔好荒廢呢度(雖然預左無人會睇),對自己有個交代都好,不過因為太懶又停了...... 佛誕日,我同Alex 同佢朋友Rainy加一班行山友一早到了東涌,之後搭車到大嶼山寶蓮寺行山,由於這次是新手上路,故此路不太複雜,終點為石壁水塘,雖然當日天氣炎熱,不過因為沿途有不少樹蔭遮檔一下,故此尚算舒服 雖然路徑唔長,但因為是次活動包括了影相活動,因此大家都拍了不少照片,另外亦認識了不少植物,因為行得不算太快,沿路都安全,是有些碎石地較難行(自己又大頭蝦,只穿了跑鞋,其實自己有對行山涼鞋又唔記得XD) 係旅程中好多謝各團友,真係對我好照顧,期望再有下次...... 影左少少相,post出黎先     
之後食左個大大份扒餐,勁飽 
| | |
| 試下搵返自己喂, 莊生, 你係邊度呀? 喂.......... 近排好多野煩, 成日都心神不定,我懷疑自己可能到左更年期(哈哈!) ,好想再改變下自己,搵返自我...... 唔知點解,自己成日好易比人影響, 我可以因為人地一兩句說話令我情緒波動好大,可以唔開心成日,但又可以成日keep住好開心,另外,係人際關係方面,又係經常令我情緒不穩定的主因,不過我覺得只要本住唔好傷害人的宗旨做事,就無愧於心, 所以到現時為止自覺人緣還叫做幾好...... 不過,最近聽到幾個朋友的故事,就覺得呢個世界實在太多有口話人, 無口話自己的例子,以前的謙謙君子,可以為女人攪到變晒質,同朋友反目,攪圈子,講人是非,好慶幸自己一早脫離那圈子 (不過其實我有d想返去睇下各人的轉變XD) 最近幾鐘意聽謝安琪的歌,其中一首同劉浩龍合唱的<蒼海遺珠>,真是難得一見的好歌好詞(歌者唱功都好好) 滄海遺珠 大眾也喜歡珠光寶氣
沒有空完全明白你的美
只得我望見你 關起了心扉
猶如合上貝殼的傳奇
若世間疏忽從未細味
讓那些蠢人庸人嫌棄你
切莫讓人影響了你
信仰你的真理
＊如滄海深處埋藏著遺珠
其實你好處個個也不知
唯獨我先可以 明白上帝構思
於沙礫裡找到璀璨珍珠
人家冤枉你平凡悶孩子
但是你心思我不信 無聊沒意思
沒有人識得欣賞 但天知 誰可以＊
大概這種非一般的美
慧眼太少旁人未賞識你
因此你極客氣 差點算謙卑
從來沒對愛有所預期
若世間疏忽從未細味
讓那些蠢人庸人忘記你
要是別人都不愛你
有我這邊等你
REPEAT＊
你是誰你是誰 可有地方發亮
旁人忙著誇獎色相
沒有空管你的修養 惟獨我留下拍掌
如滄海深處埋藏著遺珠
其實你好處個個也不知
唯獨我先可以 明白上帝構思
於沙礫裡找到璀璨珍珠
人家冤枉你平凡悶孩子
但是你心思我不信 無聊沒意思
就算誰都不欣賞 但偏偏 我可以
| | |
| 離開是為了回來卒之從大陸回來 搭了十幾個鐘頭直通車,身心俱疲,有機會才upload 那些相片上來 今次上去有幾樣事情是十分意想不到的,原來而家上面(福建農村)同六年前返去比真的發展得咁快...... 1. 手機,以前一人都未必有一部,現在呢,差不多人手兩部 2. 城市發展,因為要建設大馬路, 我那邊有些親戚的家要被迫清拆, 看來將會城市化了 3. 竟然有寬頻上網,十分佩服(要記住是農村,我的不明白他們怎樣鋪設,上一篇blog還寫希望有奇蹟可上網,完全想像不到竟可成真) 4.物價,想不到竟然追得上深圳/香港 不過總括來講,我覺得過多十幾二十年,香港必被我們偉大的太空強國追上,我們成為港燦的日子指日可待了...... | | |
| 聽日返大陸,悶希望順風順水la, 始終真係好唔想搭十幾個鐘車...... 同埋希望唔好又肚ALL, 我腸胃太差了...... 同埋希望過到去有網上(不過呢個諗法好奢侈),唔好悶屎la 今次返黎我實會重新做人,起碼一定立志減肥,我又要變靚d......haha 另外呀妹去左泰國玩,希望佢帶多d手信比我,我好為食的XD | | |
|
